വേശ്യ

പുരുഷ കാമനകള്‍ ഒരു ,
യാഗാശ്വമാണെങ്കില്‍,
ഞാനതിനൊരു യാഗ ഭൂമിയാണ്.
അവനൊരു യന്ജകുണ്ഡമാണേല്‍,
അതിലുയരും ഹവിസ്സാണ് ഞാന്‍.
എറിയാം, നിങ്ങള്ക്കെന്നെ,
കല്ലിനാല്‍ നിങ്ങളൊരു,
പതിവ്രതയാണേല്‍..,
ഒരു മാത്ര പോലും പരപുരുഷനെ,
ആഗ്രഹിചിട്ടില്ലായെങ്കില്‍.....!
നിന്‍ ഭാര്യ നിന്നരികിലിരിക്കേ,
നിന്‍ കണ്ണുകള്‍ എന്നിലെ,
നിമ്നന്നോതടങ്ങളിലെ അഴകളവുകളക്കവേ,
എറിയുവാനെടുത്ത ആ കല്ലുകള്‍’
വിറകൊള്ളുവതെന്തേ..!
എങ്കിലിനി ഞാന്‍ പോയ്ക്കൊള്ളട്ടെ,
ഇന്നു രാത്രിയിലും മടിക്കുത്തഴിക്കണം,
ആര്ക്കോ മുന്നിലും,
എന്‍ മകള്‍ തന്‍ മാനം കാക്കാന്‍,
ഒരാണിന്‍ കയ്യില്‍ ഏല്പിക്കും വരെയെങ്കിലും!